தூத்துக்குடியில் சௌந்தரபாண்டியனார் பிறந்தநாளில் பத்திரிகையாளர்களுக்கு விருது

W.P.A.சௌந்தரபாண்டியனார் பிறந்தநாளில், தூத்துக்குடி பத்திரிகையாளர் – எழுத்தாளருக்கு, மாபொசி கலை இலக்கிய மன்றம் சார்பில் விருது.

தூத்துக்குடியில், இலக்கியச் செல்வர் மா.பொ.சி. கலை இலக்கிய மன்றம் சார்பில், சான்றோர் வழக்கறிஞர் கூட்டமைப்பு அலுவலகத்தில் W.P.A. சௌந்தரபாண்டியனாரின் 134வது பிறந்தநாள் விழா மற்றும் விருது வழங்கும் விழா விமரிசையாக நடைபெற்றது.
​இலக்கியச் செல்வர் மா.பொ.சி. கலை இலக்கிய மன்றத் தலைவர் லாரன்ஸ் தலைமை தாங்கினார். விழாவில், தூத்துக்குடி பத்திரிகையாளர் மன்றத் தலைவர் சண்முகசுந்தரம், தூத்துக்குடி மூத்த செய்தியாளர் குமாரவேலுக்கு ‘பாண்டியனார் வாழ்நாள் சாதனையாளர் விருது’ வழங்கி கவுரவித்தார்.
​தொடர்ந்து, மாணவ-மாணவிகளிடம் புத்தகம் வாசிக்கும் பழக்கத்தை ஊக்கப்படுத்தி வரும் புத்தக வாசிப்பு மன்றத் தலைவரும், எழுத்தாளருமான ஆ.மாரிமுத்து அவர்களுக்கு ‘பாண்டியனார் விருது’ வழங்கி சிறப்புரையாற்றப்பட்டது.
​விழாவில், நெடுஞ்சாலைக் கவிஞர் செல்வராஜ் பங்கேற்று விருது பெற்ற இருவரையும் வாழ்த்திப் பேசினார். அதனைத் தொடர்ந்து, விருது பெற்ற மூத்த செய்தியாளர் குமாரவேல் மற்றும் எழுத்தாளர் ஆ.மாரிமுத்து ஆகியோர் ஏற்புரை நிகழ்த்தினர்.
​இந்நிகழ்வின் இறுதியில், இலக்கியச் செல்வர் மா.பொ.சி. கலை இலக்கிய மன்ற அமைப்பாளர் ரவி நன்றியுரையாற்றினார். இவ்விழாவில் அரசு ஓய்வுபெற்ற அலுவலர் செரீப், சமூக ஆர்வலர் ஜனார்த்தனன் டேவிட் உள்ளிட்ட பலர் கலந்து கொண்டு சிறப்பித்தனர்.